Xizmatlar ko'rsatish bo'yicha ommaviy oferta shartnomasi

Ijrochi: «OXUS CAPITAL GROUP» MChJ

Sayt: https://www.ustabor.uz/

1. Umumiy asoslar

Ushbu Shartnoma (keyingi o'rinlarda — Oferta) «OXUS CAPITAL GROUP» MChJ (keyingi o'rinlarda — Kompaniya/Ijrochi) tomonidan https://ustabor.uz/ saytida e'lon qilingan rasmiy taklif bo'lib, quyida belgilangan asoslar asosida jismoniy/yuridik shaxslarga (keyingi o'rinlarda — Foydalanuvchilar) xizmatlar ko'rsatishni nazarda tutadi.

Ushbu Oferta shartlarini qabul qilish (aksept) Foydalanuvchining Shartnomaning barcha shartlarini hech qanday istisnolar va cheklovlarsiz so'zsiz bajarishga tayyorligini bildiradi.

Atamalar va ta'riflar

Ushbu Shartnomada quyidagi tushunchalar qo'llaniladi:

• Oferta — Ijrochi tomonidan xizmatlar ko'rsatish shartlari va Sayt servislaridan foydalanish qoidalari keltirilgan ommaviy Shartnoma.
• Aksept — Foydalanuvchining ushbu Shartnomaning barcha shartlarini, shu jumladan barcha qo'shimchalarini qabul qilishi va ularni bajarishga tayyorligi.
• Ijrochi — «OXUS CAPITAL GROUP» Mas'uliyati Cheklangan Jamiyati.
• Sayt — https://ustabor.uz/ — Ijrochiga tegishli bo‘lgan, mutaxassislar xizmatlari haqidagi ma’lumotlarni joylashtirish, ijrochilarni qidirish va Foydalanuvchilarning o‘zaro hamkorligi uchun mo‘ljallangan veb-resurs.
• Foydalanuvchi — Sayt xizmatlaridan foydalanish uchun ushbu Oferta shartlarini qabul qilgan jismoniy/yuridik shaxs.
• Tovar — moddiy yoki nomoddiy qiymatga ega bo'lgan har qanday ob'ekt.
• Xizmat — tovar yetkazib berish bilan bog'liq bo'lmagan, to'g'ridan-to'g'ri Sayt servisiga tegishli bo'lgan har qanday harakat.
• Ustabor.uz servisi — Kompaniya tomonidan Saytda taqdim etiladigan barcha pullik va bepul xizmatlar (funksiyalar, kontent, ma’lumotlar, tasvirlar, axborot, dasturiy ta’minot va boshqalar).
• Hisob qaydnomasi — Foydalanuvchi Saytda ro‘yxatdan o‘tgandan so‘ng yaratiladigan shaxsiy kabinet.
• Ro'yxatdan o'tish — Sayt funksionalidan foydalanish huquqini olish uchun Ijrochi belgilagan tartib. SMS-verifikatsiyani muvaffaqiyatli o'tkazgandan so'ng yakunlangan hisoblanadi.
• Shaxsiy ma'lumotlar — Foydalanuvchini identifikatsiya qilish imkonini beruvchi ishonchli va dolzarb ma'lumotlar.
• SMS-verifikatsiya — SMS-kod orqali telefon raqamini tasdiqlash.

Agar Foydalanuvchi Oferta shartlarini bajarishga tayyor bo'lmasa, Ijrochi Saytni tark etishni tavsiya qiladi. Ro'yxatdan o'tgandan yoki xizmatlardan foydalanishni boshlagandan so'ng, Foydalanuvchi Ofertaning barcha shartlarini to'liq bajarishga tayyorligini tasdiqlaydi.

Ijrochi Foydalanuvchilarga ko‘rsatilayotgan xizmatlar haqidagi ma’lumotlarni joylashtirish, ishlarni bajarish uchun ijrochilarni topish hamda Sayt xizmatlaridan foydalangan holda o‘zaro muloqot qilish imkoniyatini taqdim etadi. Foydalanuvchilar o‘rtasidagi kelishuvlar Ijrochi ishtirokisiz bevosita tuziladi. Ijrochi bunday kelishuvlarning tomoni hisoblanmaydi va faqat axborot hamda kommunikatsiya platformasi sifatida faoliyat yuritadi.

2. E'lonlarni joylashtirish shartlari

E'lonlarni joylashtirish uchun Foydalanuvchi maxsus shaklni to'ldirishi va reklama qilinayotgan tovar/xizmatlarning xususiyatlarini ko'rsatishi kerak.

Foydalanuvchi ko'rsatilgan telefon raqamini verifikatsiyadan o'tkazgandan so'ng Saytning qo'shimcha imkoniyatlaridan foydalana oladi.

Sayt funksiyalaridan foydalanish — avtorizatsiyadan o'tgan va o'tmagan foydalanuvchilarni Ustabor.uz foydalanuvchi siyosati qoidalariga rioya qilishga majbur qiladi.

Foydalanuvchi ko'rsatilgan telefon raqami va parol orqali amalga oshirilgan barcha operatsiyalar uchun javobgardir. Parol maxfiy ma'lumot bo'lib, uni saqlash Foydalanuvchi mas'uliyatidadir.

Joylashtirilgan e'lonlar ushbu Oferta shartlariga mos kelishi va tovar/xizmatlar haqida aniq va to'liq ma'lumotni o'z ichiga olishi kerak. E'lon joylashtirar ekan, Foydalanuvchi tovar/xizmat bilan operatsiyalarni qonuniy asosda amalga oshirishiga kafolat beradi.

Foydalanuvchi faqat ishonchli ma'lumot joylashtirish majburiyatini oladi. Agar ma'lumot haqiqatga to'g'ri kelmasa — tuzatish kiritishi yoki e'lonni o'chirib, yangi e'lon yaratishi kerak.

Cheklovlar ro'yxati

Taqiqlanadi:

• Bir profilda bir xil e'lonni ikki marta joylashtirish.
• Bir ob'ekt haqida o'xshash mazmundagi e'lonlarni joylashtirish.
• Turli telefon raqamlaridan bir xil e'lonni joylashtirish.
• E'lonlarni mos bo'lmagan bo'limlarga joylashtirish.
• Sarlavhada takrorlanuvchi yoki harf bo'lmagan belgilar mavjud bo'lgan e'lonlarni joylashtirish.
• O'qib bo'lmaydigan yoki bir-biri bilan bog'liq bo'lmagan tavsif, sarlavha va rasmlarga ega e'lonlarni joylashtirish.
• Bitta e'londa bir nechta tovar/xizmatni taklif qilish.
• Potentsial zararli resurslarga havolalar joylashtirish.
• Qonun talablariga mos kelmaydigan tovar/xizmatlar e'lonlarini joylashtirish.
• Tanlangan geografik joylashuvga mos kelmaydigan e'lonlarni joylashtirish.
• Shaxsiy yoki intim xarakterdagi fotosuratlar, shuningdek internetdan yuklab olingan rasmlarni joylashtirish.

Taqiqlangan tovarlar toifalari

E'lonlarda quyidagilarni reklama qilish taqiqlanadi:

• Spirtli ichimliklar.
• Sigaretlar, tamaki mahsulotlari.
• Narkotik moddalar.
• Pornografiyaga aloqador tovar/xizmat/materiallar.
• Dori vositalari, maqsadidan qat'i nazar.
• Noqonuniy egalikdagi tovar.
• Hayot va sog'liqqa tahdid soluvchi buyumlar.
• Aslida mavjud bo'lmagan ob'ektlar.
• Inson va hayvon organlari.
• Noqonuniy operatsiyalar uchun dasturiy ta'minot.
• Shaxsiy hujjatlar va qimmatli qog'ozlar.
• Ma'lumotlar bazalari.
• Qurol, o'q-dorilar va ularning komplektlovchi qismlari.
• Mudofaa maqsadidagi vositalar.
• Morj tishi, fil suyaklari (buyumlardan tashqari).
• Qimmatbaho metallar va toshlar (buyumlardan tashqari).
• Qonuniy sotish uchun mavjud bo'lmagan noyob hayvonlar.
• Oferta shartlari yoki qonun hujjatlarini buzuvchi boshqa har qanday takliflar.

Ijrochining e'lonlarga nisbatan huquqlari

Ijrochi quyidagilarga haqlidir:

• E'lonning mazmunini o'zgartirmagan holda tinish belgilari va/yoki imlo xatolarini tuzatish.
• Agar e'lon reklama ob'ektining tavsifiga ko'proq mos kelsa, uning toifasini o'zgartirish.
• Bo‘lim mavzusiga yoki Shartnoma shartlariga mos kelmaydigan e’lonni joylashtirishni rad etish.
• Bir Foydalanuvchi tomonidan joylashtiriladigan e'lonlar soniga izohsiz cheklovlar kiritish.
• Texnik sabablarga ko'ra e'lonni ko'rsatish muddatini qisqartirish yoki uzaytirish.

E'lon sarlavhasi uning matni bilan mos kelishi kerak. Sarlavhada aloqa ma'lumotlari yoki tashqi resurslarga havolalar ko'rsatish taqiqlanadi.

Rasmlar tovar/xizmatning sarlavhasi va tavsifiga mos kelishi kerak. Stok rasmlar va internetdan yuklab olingan rasmlarni joylashtirish taqiqlanadi.

E'lonlar moderatorlar tomonidan joylashtirishdan oldin tekshiriladi. E'lonni o'chirish to'g'risidagi qaror yakuniy hisoblanadi.

3. E'lonlarni o'chirish asoslari

Agar e'lon ushbu Oferta shartlarini buzsa, Ijrochi e'lonni joylashtirishdan bosh tortish yoki o'chirish huquqini o'zida saqlab qoladi. O'chirish asoslari:

• Bir xil e'lonni qayta joylashtirish, agar ulardan biri faol bo'lsa.
• Oferta shartlari yoki qonun talablariga zid ma'lumotlar mavjudligi.
• E'londa noto'g'ri ma'lumotlar.
• Sarlavhada tovar/xizmat haqida ma'lumot yo'qligi.
• Sarlavhada tinish belgilarining takrorlanishi yoki harf bo'lmagan belgilar.
• Tavsifda yoki rasm izohida tashqi veb-resurslarga havolalar.
• Rasm va tovar tavsifi o'rtasida mazmuniy bog'liqlik yo'qligi.
• Foydalanuvchi interfeysi elementlari yoki abstraktsiyali rasmlar.
• Rasmda reklama xarakteridagi ma'lumotlar (havolalar, aloqa ma'lumotlari, ijtimoiy tarmoqlardagi profillar).
• Tovar xususiyatlarini baholashga imkon bermaydigan past sifatli rasmlar.
• E'lonni mos bo'lmagan toifaga joylashtirish.

4. Tomonlarning huquqlari va majburiyatlari

Kompaniya xizmatlaridan foydalanishda mavjud bo'lgan barcha ob'ektlar, jumladan dizayn elementlari, matn, rasmlar, video, dasturiy vositalar va boshqalar Ijrochi, Foydalanuvchilar va boshqa huquq egalari mulki hisoblanadi.

Sayt kontentidan foydalanish faqat Sayt xizmatlaridan foydalanish doirasida mumkin. Huquq egasining rasmiy roziligisiz kontent boshqa maqsadlarda foydalanilishi mumkin emas.

E'lon joylashtirish Foydalanuvchining taqdim etilgan mualliflik ma'lumotlarini boshqarish, joylashtirish, to'plash, nusxalash va taqdim etishga to'liq va muddatsiz roziligini bildiradi. Ma'lumot mazmuniga egalik huquqi Foydalanuvchida qoladi.

Foydalanuvchining majburiyatlari:

• Ro'yxatdan o'tishda shaxsni identifikatsiya qilish ma'lumotlarini taqdim etish.
• Sayt ishlashiga haddan tashqari yuklama keltirib chiqaruvchi harakatlarni amalga oshirmaslik.
• Ijrochining oldindan yozma roziligisiz Saytga kirish uchun avtomatik xizmatlardan foydalanmaslik.
• Ijrochining rasmiy roziligisiz Saytda taqdim etilgan ma'lumotlarni uchinchi shaxslarga bermaslik.
• Sayt ishiga va avtomatik operatsiyalar o'tkazilishiga to'sqinlik qilmaslik.
• Boshqa Foydalanuvchilarning ma'lumotlarini ularning yozma roziligisiz shaxsiy maqsadlarda foydalanmaslik.

Foydalanuvchi quyidagilarga haqli emas:

• Sayt ma’muriyatining faoliyati haqida noto‘g‘ri ma’lumotlarni ommaviy ravishda tarqatish.
• Boshqa Foydalanuvchilar nomidan murojaat qilish maqsadida ularning nomlariga o'xshash nomlardan foydalanish.
• Boshqa Foydalanuvchilarning shaxsiy ma'lumotlariga ularning yozma ruxsatisiz kirish.

Ijrochining huquqlari va kafolatlari

Ijrochi ushbu Oferta doirasidagi barcha majburiyatlarini to'liq bajarishi, shu jumladan servislar sifatini ta'minlash va Foydalanuvchilarning shaxsiy ma'lumotlari maxfiyligini saqlashga kafolat beradi.

Ijrochi faol e'lonlar soniga cheklovlar kiritish hamda Saytning ba'zi funksiyalarini o'zgartirish yoki to'xtatib qo'yish huquqini o'zida saqlab qoladi.

Ijrochi ushbu Oferta shartlarini buzgan taqdirda Foydalanuvchining xizmatlarga kirishini cheklash yoki Hisob qaydnomasini o'chirish huquqiga ega.

Ijrochi Foydalanuvchidan ro'yxatdan o'tishda ko'rsatilgan ma'lumotlarni tasdiqlashni so'rashi mumkin. Bosh tortilgan taqdirda — xizmatlarga kirishni cheklash huquqiga ega.

SMS-verifikatsiya. Ijrochi istalgan vaqtda ko'rsatilgan raqamga kod yuborish orqali verifikatsiya o'tkazishi mumkin. Verifikatsiya uchun faqat O'zbekiston Respublikasi mobil operatorlarining raqamlaridan foydalanish kerak.

Ijrochi, agar Foydalanuvchi tarif rejasini xarid qilmasdan Sayt xizmatlaridan 30 kalendar kundan ortiq foydalansa, Sayt qoidalarida boshqacha nazarda tutilmagan bo‘lsa, uning hisob qaydnomasiga kirishni cheklash huquqiga ega.

Shikoyatlar bilan murojaat qilish uchun Foydalanuvchi teskari aloqa shaklidan foydalanishi mumkin. Murojaatlar moderatorlar tomonidan ikki ish kuni ichida ko'rib chiqiladi.

5. To'lov siyosati

Ustabor.uz saytining pullik servislarini sotib olish Foydalanuvchining Shaxsiy kabinetidan yoki resursning boshqa bo'limlaridan amalga oshirilishi mumkin. Foydalanuvchi sotib olishdan oldin pullik xizmatlarning narx siyosatini o'rganishi kerak.

To'langan xizmatlar uchun kompensatsiya shartlari:

• To'langan e'lon (top) moderatorlar tomonidan o'chirilgan taqdirda, uning qiymati xizmat faol bo'lmagan kunlarni hisobga olgan holda tizim tomonidan avtomatik ravishda qoplanadi.
• Agar xizmat texnik sabablarga ko'ra ko'rsatilmagan bo'lsa, to'lov tasdiqini taqdim etgandan so'ng Sayt ma'muriyati tomonidan kompensatsiya qilinadi. Mablag'lar Shaxsiy kabinet hamyoniga tushadi.
• Taqiqlangan tovar/xizmatlarni o'z ichiga olgan e'lonlar to'lovi uchun ajratilgan mablag'lar profil o'chirilganda qaytarilmaydi.
• Oferta shartlarini ikki va undan ko'p marta buzgan taqdirda, kompensatsiya faqat foydalanuvchi murojaatidan so'ng va uni ko'rib chiqgandan keyin amalga oshiriladi.

Ijrochi Foydalanuvchi Oferta shartlarini ikki va undan ko'p marta buzgan taqdirda mablag'larni qaytarishdan bosh tortish huquqiga ega.

Mablag‘larni bank kartasiga qaytarish faqat teskari aloqa shaklini to'ldirgandan so'ng mumkin. Foydalanuvchi mablag'larni qaytarish bo'yicha murojaatni hisob to'ldirilgan oyning 1-kunidan 25-kunigacha yuborishi mumkin.

6. Ijrochini javobgarlikdan ozod qilish

Sayt servislaridan foydalanish Foydalanuvchining barcha mavjud xatarlarni tushunishini va e'lonlarni joylashtirish bilan bog'liq barcha javobgarlikni o'z zimmasiga olishini avtomatik ravishda tasdiqlaydi.

Ijrochi Foydalanuvchilar o‘rtasidagi kelishuvlarda ishtirok etmaydi hamda buyurtmachi va xizmat ko‘rsatuvchi o‘rtasidagi munosabatlarning tomoni hisoblanmaydi.

Ijrochi e'lonlardagi ma'lumotlarning sifati va ishonchliligini nazorat qila olmaydi va bitim doirasida yetkazilgan har qanday zarar uchun javobgarlikdan ozod bo'ladi.

Ijrochi Sayt serverlariga noqonuniy kirish va uchinchi shaxslar tomonidan Saytga uzatilgan virusli va tizim dasturlari uchun javobgarlikdan ozod bo'ladi.

Foydalanuvchilar Saytda joylashtirilgan xizmatlarning sifati, xavfsizligi, qonuniyligi va amalda ko‘rsatilishi uchun mustaqil ravishda javobgardirlar.

Agar bir Foydalanuvchi boshqasiga nisbatan da'vo qo'ysa, Foydalanuvchi muammolarni Ijrochini jalb qilmasdan mustaqil hal qilish majburiyatini oladi.

Ijrochi force majeure holatlarida (qonun talablari, texnik nosozliklar, tabiiy ofatlar va h.k.) majburiyatlarni bajarmaslik uchun javobgarlikdan ozod bo'ladi.

7. E'lonlar va buyurtmalarni joylashtirish qoidalari

Saytda quyidagi ma’lumotlarni o‘z ichiga olgan e’lonlar va buyurtmalarni joylashtirish qat’iyan taqiqlanadi:

• Kredit, qarz berish va shubhali moliyaviy operatsiyalar.
• Foydalanuvchilarni tashqi saytlarga o'tish va ro'yxatdan o'tishga undash.
• O'z yoki uchinchi shaxslarning tovar/xizmatlarini targ'ib qilish.
• Intim xizmatlar yoki eskort xizmatlarini taklif qilish.
• Pornografik kontent, intim onlayn suhbatlar.
• Zargarlik buyumlari sotish, shu jumladan noyob metallar va toshlar bo'lgan ishlab chiqarish chiqindilari.
• Qimmatbaho metal quymalari va zargarlik buyumlarida yoki tashqarisida qimmatbaho metallar, tosh, marvaridlar bilan bitimlar.
• Jangovar harakatlarga ko'maklashish takliflari.
• Qurol, o'q-dorilar, portlovchi moddalar bilan bitimlar.
• Aylanishi cheklangan kimyoviy moddalar va pestitsidlar.
• Zaharli moddalar.
• O'zbekiston Respublikasi Muzey fondiga tegishli muzey eksponatlari va kolleksiya buyumlari.
• Qimor o'yinlari, onlayn kazinolar, lotereyalar, bukmekerlik birjalarini targ'ib qilish.
• Har qanday kriptovalyuta va moliyaviy o'yinlar (forex, bitkoin, onlayn investitsiyalar va h.k.).
• Maxfiy ma'lumotlar va shaxsiy ma'lumotlarni tarqatish.

8. Profilni o'chirish qoidalari

Ustabor.uz saytining egasi o'z ixtiyoriga ko'ra ushbu Qoidalarni buzuvchi har qanday ma'lumotni o'zgartirish yoki o'chirish, shuningdek Foydalanuvchining Sayt servislaridan foydalanishini to'xtatib qo'yish yoki tugatish huquqini o'zida saqlab qoladi.

Foydalanuvchi profilini o‘chirish unda joylashtirilgan barcha ma’lumotlarning avtomatik ravishda o‘chirilishini anglatadi. Profilni o'chirgandan so'ng Foydalanuvchi Saytga kirish huquqini yo'qotadi.

8.1. Foydalanuvchi tomonidan profilni mustaqil o'chirish

Har bir foydalanuvchi o'z profilini quyidagi ko'rsatma asosida o'chirish huquqiga ega:

1. Shaxsiy kabinetingizga kiring.
2. «Profil» yorlig'iga o'ting.
3. «Profilni o'chirish» yorlig'ini bosing.
4. «Hisobni qaytarib bo'lmaydigan tarzda o'chirishni xohlaysizmi?» savoliga «OK» tugmasini bosing.

Ijrochi Ustabor.uz saytida Foydalanuvchi hisob qaydnomasi va sahifa ma'lumotlarini mustaqil ravishda o'chirish huquqiga ega. Sayt egasi profil o‘chirilishidan oldin yaratilgan zaxira nusxalarini saqlash huquqini o‘zida saqlab qoladi.

Maxfiylik siyosati bilan tanishish: https://www.ustabor.uz/uz/privacy